فيديو جميل جدا جدا جدا و أكثر من رائع

محتاس أفندي

طالب الثانوية العامة

تعرف الثانوية العامة في مصر 

أولا الثانوية العامة زي الخدمة العسكرية و الجيش الاجباري لكل واحد عايز يدخل كلية كويسة في مصر علشان طالب الثانوية مبقاش يشوف علته غير في الاجازات من كثر اللف علي الدروس في الشوارع لأن طبعا مفيش حاجة اسمها تدرس فس المدرسة امال المدرسين ازاي يبنوا عمايرهم و يشتريلوا عربيتين علشان كده دايما طالب الثانوية يبد

ا الدوام بتاعه للدروس من الساعة 10 لحد الساعة 10 اوعوا تفتكروا ان بيخلص في ساعتها انا قصدي 10 بليل يروح الدرس الاولاني و بعدين يكون لسه صاحي و مش مركز ورايح متأخر فيستفدش حاجة غي انه اتهزأ او اضرب من المدرس و بعدين يكون في فرق ساعة لحد معاد الدرس التاني فيعمل ايه بدل ميروح البيت و ميلحأش يقعد يروح مع اصحابه يلعبوا بلايستيشن لحد معاد الدرس الثاني و بعدين يروح يحل الواجب علي العربية اللي ركنا تحت الدرس علشان ميضربش و يطلع من الدرس جري علشان يلحأ الدرس اللي بعد كده علشان بيبقي كل درس في حته شكل و كل درس بعيد عن الثاني و يسلام لو كان المدرس اللي بتاخد عنده الدرس مشهور و حكاية مشهور ليه حدوتهتانية هحكيها بعدين المهم تكون قاعد في الدرس و سط من 60 الي 90 طالب في حصة واحدة والمدرس بيتكلم من الميكروفون علشان يشرح للطلبة المهم الطالب بعد ميخلص كل دروسه يروح البيت زي القتيل و اول مايوصل البيت يدور علي السرير علشان يرتاح و ينام و تكون محصلة اليوم كله صفر لا حل واجبات ولا ركز في الدرس و ضيع وقت كبير بين الدروس و فلوس بتروح علي الارض مصاريف للدروس و تكون ده نهاية يوم عادي في حياة طالب الثانوية